Doudo – merga ilate wong kono gak pati cetha, dadi “Ndhudha” – iku nggone ndhik Nggresik nggir elor mlebu Kecamatan Panceng, ndhik jalur pantura. Gak terlalu terkenal sih, paling wong-wong sekitar kono ngertine ya jambu menthene utawa lagae. Maklum, mek loro iku sing isa dibanggakna teka Ndhudha…(Hla wong gak nduwe apa-apa maneh i… Sawah ya gak nduwe, onoke alas. Kali ya gak nduwe, onoke mek kalenan…) Ya ngene iki Ndhudha:

–> Menthe, ndhik kene nggone. Nik dhaerah-dhaerah sekitare sing ana tanduran menthene iku Wotan mbik Petung thok (ya padha-padha sakkecamatane), tapi gak pati akeh. Sing akeh ya ndhik nggonku iku…

–> Laga, sakliyane gewe adus wong kono, biasae gewe bluron arek-arek njaba pisan. Biasae nik mari nggelek thethek, langsung bluron. Tapine hlo, nggone kono iku lumayan angker. Jare wong tuwa-tuwa, ana kalape, hnang kalape iku ngincer arek-arek njaba desa sing bluron (tapi masia ngono, arek-arek ndesa dhewe ya rodok wedi nik pe bluron ndhik kono). Akeh sih wisan, arek njaba sing mati klelep ndhik kono. Ya mbuh, bener pa gak ya gak ngerti…

Ya, iku desaku. Nik pingin eroh saktemene desaku koyok apa, carane tunutana dalan teka arah Nggresik jurusan Sedayu. Tutuk Sedayu ngulon terus, rong desa sakdurunge njaten Panceng… Tak enteni ya…